O DOG nº 46 de data de 7 de marzo de 2014, publica a Orde do 21 de febreiro de 2014 pola que se establecen as bases reguladoras dos programas de fomento do emprego en empresas de economía social e de promoción do cooperativismo, cofinanciada parcialmente polo FSE, e se procede á súa convocatoria para o ano 2014.
Esta orde recolle distintas axudas coa finalidade de promover a incorporación de persoas desempregadas ás entidades de economía social e apoiar o desenvolvemento de proxectos de creación deste tipo de empresas, establecendo axudas para os seguintes programas:
- Fomento do emprego en
cooperativas e sociedades laborais, este programa está dirixido a fomentar a
incorporación de persoas desempregadas e traballadores/as con carácter temporal,
como socios/as traballadores/as ou de traballo de cooperativas ou
sociedades laborais, con carácter indefinido.
- Fomento do acceso á
condición de persoa socia traballadora, este programa está
destinado a financiar parcialmente a achega ao capital social que debe
desembolsarse para a incorporación como socio/a traballador/a ou de
traballo de cooperativas e sociedades laborais.
- Impulso de proxectos
empresariais cooperativos e asistencia técnica, este programa está
destinado a facilitar a posta en marcha de proxectos empresariais, tanto
de nova creación como os xerados polas entidades existentes.
- Promoción das
cooperativas xuvenís, este programa está dirixido a apoiar o desenvolvemento
de proxectos de creación de cooperativas xuvenís mediante subvencións
directas para o financiamento dos custos derivados do lanzamento da
actividade.
- Intercooperación e
integración cooperativa, a través deste programa impúlsanse especificamente as
actividades de intercooperación, realizadas de forma conxunta por
entidades de economía social, especialmente os procesos de integración
empresarial cooperativa co fin de acadar a dimensión necesaria para
mellorar a competitividade, capturar maior engadido e satisfacer
adecuadamente as necesidades das persoas que forman a cooperativa
O prazo para solicitar a estas subvencións remata o próximo 7 de abril de 2014.
No hay comentarios:
Publicar un comentario